Лукашэнка памяняў сабе дзень нараджэння на той самы з Міколкавым
Мікола Бугай 1 верасня 2010
Раней днём нараджэння лічылася 30 жніўня, ад учорашняга дня стала 31-га.
«Беларуская энцыклапедыя» зафіксавала дату 30-га.
31 жніўня ў вечаровых навінах тэлеканалы паведамілі, што Аляксандр Лукашэнка і яго малодшы сын Мікалай адзначылі сумесны дзень нараджэння. Аказалася, што гэта не памылка журналістаў. Да ўчорашняга дня Аляксандр Лукашэнка прымаў віншаванні 30 жніўня, а цяпер на афіцыйнай старонцы кіраўніка дзяржавы пазначана, што «нарадзіўся А.Р. Лукашэнка 31 жніўня 1954 года ў гарадскім пасёлку Копысь Аршанскага раёна Віцебскай вобласці».
Кіраўнікі замежных дзяржаваў віншавалі Аляксандра Лукашэнку з днём нараджэння менавіта 30 жніўня. Тую саму дату дае і «Беларуская энцыклапедыя».
Гэта не перашкодзіла супрацоўніку прэзідэнцкай прэс-службы ніштожа сумняшася адказаць «Салідарнасці»: «Дата нараджэння прэзідэнта не змянялася. Хто вам сказаў, што яго дзень нараджэння 30 жніўня? Ён заўсёды быў 31 жніўня. І заўсёды ў біяграфіі на сайце кіраўніка дзяржавы была паказана менавіта гэтая дата».
Відаць, недарэчнасць такой «несазнанкі» камусьці стала відавочнаю. І, пазней, «крыніца ў Адміністрацыі кіраўніка дзяржавы» растлумачыла, што сутнасць у тым, што маці Аляксандра Лукашэнкі паступіла ў раддом 30 жніўня вечарам, але нарадзіла ў ноч з 30-га на 31-е. «У 50-я гады ў раддамах у сельскай мясцовасці, зразумела, ніхто з секундамерам не стаяў, і дакладны час нараджэння дзіцяці не адзначаўся.
І нованароджанага запісалі на 30 жніўня, па даце паступлення парадзіхі ў раддом», — сказаў суразмоўца.
«Ад таго, што прэзідэнт з прахалодай ставіцца да гэтага свята, ён не надаваў яму значэння да моманту нараджэння малодшага сына Мікалая, які з’явіўся на свет 31 жніўня, — адзначыла крыніца. — А пасля нараджэння Мікалая прэзідэнт пачаў цікавіцца ў маці падрабязнасцямі свайго з’яўлення на свет і высветліў, што фактычна адзначаць дзень нараджэння трэба 31 жніўня».
Как нормальному человеку можно это расценить? Все мы любим детей, внуков особенно, но здесь попахивает явной неадекватностью. Интересно, а СМИ он давал указание его поздравлять в этот день или как это всё происходило? И как это диктор не рассмеялся, произнося новость о новой дате его рождения. Хотя нормальные ж там вряд ли будут работать, долго такое выдержать невозможно