Рэпрэсаваныя разлічваюць на дапамогу людзей
+ нумары рахункаў і кантакты, 24 чэрвеня 2011
Пра гэта БелаПАН сказаў адзін з затрыманых падчас разгону ў цэнтры Мінска, якому 23 чэрвеня суд Маскоўскага раёна нібыта за дробнае хуліганства прысудзіў 25 базавых велічыняў штрафу (875 тыс.). Паводле слоў 24-гадовага мужчыны, які вырашыў не называць сябе, фінансавая тэма абмяркоўвалася затрыманымі, калі яны знаходзіліся ў міліцыі.
Малады чалавек працуе ў будаўніцтве. Ён паведаміў, што быў сярод людзей, якіх міліцыя адцясняла ад рэстарана "Макдональдс" на праспекце Незалежнасці ў бок плошчы Свабоды. У гэты час на сваё пытанне, чаму нікога не пускаюць у цэнтр горада, ён атрымаў ад спецназаўца ўдар у вобласць печані. Паводле слоў суразмоўцы, людзі абураліся: "Што мы — бараны, што нас гоняць?" Затрымалі яго, калі ён сядзеў на лаўцы ў скверы на вуліцы Леніна.
Спачатку затрыманых прывезлі ў Цэнтр ізаляцыі правапарушальнікаў ГУУС Мінгарвыканкама, дзе апісалі маёмасць, узялі адбіткі пальцаў, сфатаграфавалі, знялі на відэа, склалі пратакол за дробнае хуліганства, а потым адправілі ў Маскоўскае РУУС. Там яны чакалі суда, паведамляе БелаПАН.
*** Тым часам у Фэйсбуку з'явілася інфармацыя пра арганізаванне дапамогі затрыманым 22 чэрвеня
Прапануецца грошы на аплату штрафаў пералічваць сюды:
B182136852761 - Бел.руб
Z388796762652 - Даляры ЗША
E460235656500 - Еўра
...R298116051354 - Рас. рублі
Падкрэсліваецца, што грошы адправіць можна ў любым спецыялізаваным тэрмінале, і ў многіх банках.
Трэба толькі ведаць нумар кашалька
Як атрымаць дапамогу? арганізатары акцыі прапануюць пісаць на гэты мэйл help.repres@gmail.com
|