Спэктакль адбыўся пасьпяхова

Напрыканцы сакавіка беларусь праходзіла тэставаньне на паслухмянасьць і дурату. Для гэтых мэтаў быў зладжаны спэктакль пад назовам “выборы в местные советы”. Мэтаю гэтага спэктакля зь вялізарнаю масоўкай, памерам у цэлы народ, было тэставаньне пакладзістасьці насельніцтва краіны перад больш грандыёзным спэктаклям, які мае схожы стыль і назву – “презідентскіе выборы”.

Усё тыя ж камісіі па фальсыфікацыі і дэскрыдытацыі самой ідэі дэмакратычнасьці, усё тыя ж методы – падман, падлог, маніпуляваньне сродкамі інфармацыі, запалохваньне і дэмагогія.

Зьменены закон, які цяпер ужо забараняе агітацыю байкота гэтага фальшывага мерапрыемства, бо для спектакля важна мець на сцэне вялікую масоўку, каб ніхто не здагадаўся, што пахан ужо не з народам, што ён адзін. З гэтай мэтай працуе так званы адміністратыўны рэсурс, які абязуе начальнікаў на прадпрыемствах і ў установах кантраляваць яўку на спектакль сваіх падначаленых.

Цікавы момант уяўляюць сабою і так званыя кандыдаты ў дэпутаты, а па сутнасьці можна адразу казаць – дэпутаты, бо ўсе заяўленыя асобы прызначаны ў выканкамах і праходзяць на сваіх участках у асноўным аднаасобна, без альтэрнатывы. А гэта азначае, што яны прыгавораныя быць абранымі. Цікава і тое, што ўсе яны пагалоўна – начальнікі, з добрымі акладамі і іншымі матэрыяльнымі магчымасьцямі. Рэжым баіцца свайго народу і таму не дапускае простых людзей нават да гэтай бутафорскай улады, што завецца “мясцовамі дэпутатамі”.

Ніжэй можна пазнаёміцца з афіцыйна задэкляраванымі заробкамі дэпутатаў. Да таго ж яны яшчэ укамплектаваны нядрэннымі асабістымі аўтамабілямі, дачамі, маёнткамі, хаця ўвогуле незразумела: навошта, напрыклад, старшыні калгаса, ці іншаму начальніку – “заработная плата”, асабісты аўтамабіль?

(націсканьнем, двойчы павялічце ніжэйразьмешчаную табліцу)

Алесь Язвінскі