Палітычны пераслед Панамарова
Адвакат Сяргея Панамарова хадайнічае пра спыненне крымінальнай справы за крытыку чыноўнікаў (фота)
15 ліпеня, актывіст Руху "За Свабоду" з Клецка Сяргей Панамароў наведаўся ў пракуратуру Мінскай вобласці. Выдаўцу незалежнага бюлетэня "Бойкі Клецк” паведамілі, што следства па крымінальнай справе супраць яго скончана і азнаёмілі з абвінавачваннем у абразе прадстаўнікоў улады.
Пра гэта паведаміў адвакат Панамарова Павел Сапелка.
Крымінальная справа супраць актывіста была ўзбуджана паводле артыкула 369 Крымінальнага кодэкса Рэспублікі Беларусь - "Абраза прадстаўніка ўлады” − па факту артыкулаў на старонках выдання "Бойкі Клецк”, дзе востра крытыкаваліся прадстаўнікі мясцовай ўлады.
Павел Сапелка перадаў следчаму хадайніцтва аб спыненні гэтай крымінальнай справы, якое павінна быць разгледжана да прызначэння даты суду.
Крініца - http://www.spring96.org/be/news/34712/
|