Клецкі актывіст, які папрасіў прытулку ў Польшчы, можа быць асуджаны завочна.
23 жніўня ў судзе Слуцкага раёну адбылася судовае паседжанне па справе клецкага актывіста апазіцыі Сяргея Панамарова. Яго вінавацілі паводле арт. 369 КК РБ («Знявага прадстаўніка ўлады»). Справу на Панамарова завялі 25 мая гэтага года. Супраць Панамарова судзяцца пяць клецкіх чыноўнікаў: старшыня Клецкага райвыканкама А. Бойка, суддзя райсуда А. Гасцеева, старшыня раённага савета дэпутатаў П. Дудук і клецкія міліцыянты А. Канановіч і С. Здрок. Паводле следства, абразы вышэйпамянёным асобам Панамароў нанёс сваімі артыкуламі ў выдаваным ім бюлетэні «Бойкі Клецк».
Як паведаміў «НН» адвакат С. Панамарова Павел Сапелка, сёння ў судзе клецкага актывіста абвясцілі ў вышук. Ранейшая мера стрымання — знаходжанне пад распіскай аб нявыездзе — змененая на ўтрыманне пад вартай у турме №8 г. Жодзіна. Паводле адваката Сапелкі, калі суд пацвердзіць факт знаходжання Панамарова па-за межамі Беларусі, ён можа быць асуджаны завочна.
Нагадаем, што на дадзены момант С. Панамароў знаходзіцца ў Польшчы, дзе ён папрасіў палітычнага прытулку.
Да Сяргея Панамарова ў Варшаву з Нямеччыны прыехаў Алег Алкаеў.
Клецкі актывіст, які папрасіў прытулку ў Польшчы, можа быць асуджаны завочна.
