Са сьвятамі Вас, землякі! Хай і мы, як іншыя, нарэшце станем нацыяй (+ відэа) Усіх нясьвіжан, якія сьвяткуюць Каляды напярэдадні Новага году, шчыра віншуем з гэтым вялікім сьвятам - Сьвятам нараджэньня Хрыста. Зычым добрага настрою і здзяйсьненьня мараў. Няхай Гасподзь не адвернецца ад нас у наступным годзе.
Хочацца нарэшце ўбачыць беларусаў сапраўднай зкансалідаванай нацыяй, гатовай да будаўніцтва сваёй сьветлай будучыні. Нацыяй, якая адкіне прышчэпленую ёй калянізатарамі рабскую сьвядомасьць, зразумее каштоўнасьць вольнага выбару, сваёй старажытнай культуры і гісторыі, зробіць рашучы крок да вызваленьня з пад імпэрскага прыгнёту.
Прапануем нашым наведвальнікам прыклад, як адказвае на пытаньне (Што ёсьць нацыя?) Зянон Пазьняк. Пазаўчора, 22-га снежня, у невялікім мястэчку (4 тысячы жыхароў) штата Пэнсыльвэнія ў ЗША памірала ад бялачкі васьмігадовая дзяўчынка Лені Браўн. Хвароба невылечная. Ёй засталося жыць можа некалькі дзён. У яе было апошняе жаданьне перад сьмерцю: пачуць калядкі -- сьпевы калядоўшчыкаў перад Нараджэньнем Хрыстовым. Гэтае яе жаданьне было зьмешчана на Фэйсбуку. Да дому Лені прышло дзесяць тысячаў калядоўшчыкаў, якія зьехаліся з усёй ваколіцы і хорам сьпявалі ёй пад вокнамі Хрыстовы калядкі. Гэта было ў нядзелю. Вось што такое нацыя. Дадам -- вольная нацыя.
Рэдакцыя Вольнага Нясьвіжа
|