Тата, мама, я

Некалькі маладых сем’яў нясьвіжан удзельнічалі ў турыстычных спаборніцтвах, якія адбыліся на тэрыторыі гістарычнага месца, якое імянуецца ў народзе "Папова горка”. Добрае сонечнае надвор’е спрыяла посьпехам ўдзельнікаў, стварала добры настрой і добрае самаадчуваньне.

Давялося спаборнічаць у спартыўным арыентыраваньні, на стужцы перашкод і ў турыстычных навыках па усталяваньні намёту, распальваньні вогнішча і укладцы патрэбных рэчаў у заплечнік. Найбольшыя намаганьні перакладаліся на плечы малодшых удзельнікаў у камандах. Бацькі былі больш стрыманыя і ўзважаныя, хоць перажывалі ня меньш за сваіх дзяцей.

Пакрыўджаных на гэтым мерапрыемстве не было, бо ўсе атрымалі асалоду ад выпрабаваньня сваіх сілаў і знаходлівасьці. Хоць каманды і рыхтаваліся да гэтага мерапрыемства загадзя, нават малявалі свае сямейныя сценгазэты, але ўсё роўна сутыкнуліся з невядомым і давяодзілася праяўляць знаходлівасьць.

Супрацоўнікі цэнтра пазашкольнай працы, якія праваодзілі гэты сямейны турзьлёт, узнагародзілі пераможцаў у розных намінацыях каштоўнымі падарункамі. Сьвята здаровага ладу жыцьця удалося.

Алесь