Не ў 26-ты,
а ў 31-шы!
"Нясьвіскія Навіны” у асобе Вольгі Марчанкі паведамляюць, што 11-га
сакавіка ў Снові прайшоў 26-ты
кубкавы турнір па баскетболу на прыз героя сацыялістычнай працы спадарыні
Сцепановіч. Я ж, як удзельнік абсалютна усіх спаборніцтваў гэтага турніру,
сцьвярджаю, што ў гэтым годзе розыгрыш кубка Сцепановіч адбыўся ў 31-шы раз. Турнір праводзіцца кожны год
пачынаючы з 1980-га году. Ён прымеркаваны да жаночага сьвята 8 сакавіка і не
праводзіўся толькі адзін раз недзе ў 90-х гадах.
Яно можа і нічога, што ўжо ніхто ня памятае, калі і як усё пачыналася.
Галоўнае, што моладзь актыўна ўдзельнічае ў гэтым спартовым сьвяце і праходзіць
яно ў апошнія гады ў добрай сяброўскай атмасфэры спартыўнага спаборніцтва.
Раней жа здаралася ўсякае. Спадарыні Сцепановіч, якая заўсёды прысутнічала на
гэтым турніры і толькі ў гэтым годзе парушыла традыцыю ў сувязі з хваробай, неаднойчы
даводзілася пачуць моцныя слоўцы, якімі калі-нікалі абменьваліся баскетбалісты
пад час гульні. Тым больш прыемна, што у сёняшні час, калі расейскі мат
авалодвае ўсё больш нашым грамадзтвам, на турніры пануе добразычлівая атмасфера
і спартоўцы ставяцца паважліва адзін да другога. Турнір звыячайна сканчаецца
сумесным фатаграфаваньнем усіх удзельнікаў разам.
Адметнасьцю гэтага турніру сталася прысутнасьць кіраўніка агракамбіната
"Сноў” асабіста, які асабіста віншаваў пераможцаў і ўручаў прызы найлепшым.
Шкада толькі, што сама віноўніца гэтых баскетбольных сьвятаў не змагла
прысутнічаць і на гэты раз, упершыню за 31 гад, удзельнікі не віншавалі яе і
традыцыйна не ўручалі ёй кветак.
Алесь Язьвінскі
|