Выдатнае дасягненьне на фестывалі
Рэдакцыя малатыражнай газэты Брама шчыра віншуе Аляксандра Нялюбіна з
нагоды атрыманьня дыплёму 7-га фестываля тэатральнага мастацтва, які нядаўна
праходзіў у горадзе Беразіно.
Аляксандр добры хлопец, адзін з заснавальнікаў газэты Брама. Няхай і
надалей посьпех не пакідае яго ў розных добрых справах.
(ніжэй зьмяшчаецца матэрыял
газэты Нясвіжскія Навіны аб выступленьні калектыву Нясьвіскага народнага тэатру
ў Беразіно)
Два дыпломы Два дыпломы прывёз з VII абласнога фестывалю народных тэатраў "Бярэзінская рампа" Заслужаны аматарскі калектыў Рэспублікі Беларусь тэатр імя Уршулі Радзівіл Нясвіжскага цэнтра культуры і адпачынку.
Чарговы агляд сцэнічных талентаў сабраў у раённым Доме культуры г. Беразіно адданых свайму захапленню людзей. Прыехалі калектывы Слуцка, Жодзіна, Барысава, Салігорска, а таксама запрошаныя госці - музычна-драматычны тэатр-студыя "Лабіау" з Калінінградскай вобласці. Тры дні на фестывалі панавала творчая атмасфера, на сцэне жылі пачуццямі любові і гора, радасці і смутку, смеху і слёз персанажы разнастайных спектакляў. А іх выканаўцы імкнуліся данесці гледачам усе нюансы чалавечых адносін. Тыя, хто быў у зале, суперажывалі, плакалі і смяяліся, дружна апладзіравалі, тым самым ацэньваючы работу акцёраў. Апошнія прыехалі сюды (у каторы раз!), каб удасканаліць і адшліфаваць сваё сцэнічнае майстэрства. Ацэньвала яго і кампетэнтнае журы на чале з заслужанай артыст-кай Беларусі Марыяй Захарэвіч. Як адзначыла яна пры правядзенні вынікаў фестывалю, складана было вызначыць пераможцу, бо стараліся ўсе.
- У халодныя восеньскія дні мы адчувалі цяпло, - сказала вядомая актрыса. - І хачу пакланіц- ца ўсім акцёрам і па- дзякаваць ім за творчасць. А фестываль патрэбен, бо ён выхоў-вае гледачоў, прыцягвае майстэрствам выканаўцаў.
Па рашэнні журы лаўрэатам VII абласнога фестывалю народных тэатраў стаў калектыў студыі "Лабіау" з Калі-нінградскай вобласці за спектакль "Пра Фядота стральца, удалога малайца" Леаніда Філатава.
Заслужаны аматарскі калектыў Рэспублікі Беларусь тэатр імя Уршулі Радзівіл (рэжысёр Яўген Валабоеў) прывёз з фестывалю два дыпломы. Першы - "За ўвасабленне тэмы ваенна-патрыятычнага выхавання" (спектакль "Я заўжды ўсміхаюся" па п'есе Якава Сегеля), а таксама тэлевізар, DVD-прайгравальнік і статуэтку Мельпамены. Другі Дыплом - "За лепшае выкананне эпізадычнай ролі" - атрымаў артыст тэатра Аляксандр Нялюбін (на здымку).
На трэці дзень фестывалю прайшла міні-кампазіцыя ў памяць таленавітых людзей: рэжысёра тэатра імя Уршулі Радзівіл Валерыя Мароза і былога работніка ўпраўлення культуры аблвыканкама Леаніда Пашкуна, які быў адным з арганізатараў фестывалю "Бярэзінская рампа". Артысты Нясвіжскага і Барысаўскага тэатраў прачыталі вершы В.П. Мароза. Вядучыя праграмы ўручылі кветкі яго ўдаве Людміле Зянонаўне, а таксама сыну Глебу Валер'евічу.
Варта адзначыць добрыя работы нашых суседзяў: п'есы "А зоры тут ціхія" па аповесці Б. Васільева ў выкананні Слуцкага тэатра, "Калі заспявае певень" паводле п'есы Г. Марчука - калектыву народнага тэтра г. Салігорска. Кранула гледачоў і выступленне тэатральнага калектыву з Жодзіна, які прадставіў тра-гікамедыю "Аднакласнікі" Андрэя Курэйчыка.
Выступленне Заслужанага аматарскага калектыву Рэспублікі Беларусь тэатра імя Уршулі Радзівіл калегі і гледачы ацанілі словамі: "Дзякуй вам, мы не маглі стрымаць слёз удзячнасці і хвалявання".
НН
|