На фестывалі ў Нясьвіжы

Усім вядома, што Нясьвіж абвешчанешчаны на гэты год культурнай сталіцай краіны і гэта ідзе на карысьць гораду. Шмат розных культурніцкіх імпрэзаў, мерапрыемстваў зусім ня шкодзяць гораду і яго насельніцтву. Шкада толькі, што не заўсёды бывае мнагалюдна, як на апошнім абласным фестывалі народнай творчасьці.

26 красавіка, у веснавы суботні дзянёк прыехалі да нас 25 дэлегацый з розных раёнаў вобласьці, агулам каля 800 чалавек. На дзьвух канцэртных пляцоўках адначасова можна было назіраць выступленьні фальклёрных калектываў з розных гарадоў і вёсак нашага краю. Песьні, танцы, вырабы з саломы зачароўвалі немнагалікіх наведвальнікаў мерапрыемства, а шкада, бо сапраўды было цудоўна. Адзінае, што крыху перашкаджала атрымліваць асалоду ад слуханьня і назіраньня ды нагадвала казённыя прымусовыя "празднікі”, дык гэта пах палянага мяса, які акутваў цэнтральную плошчу горада і разносіўся далёка за яе межамі. Вось ужо ўелася звычка, каб стварыць сьвяточны настрой дык абавязкова трэба набіць жывот.

Праўда алькагольныя напоі, нават піва, не прадаваліся у гастраноме №1, што месьціцца на плошчы. Відаць за мэту была ўзята ідэя барадзьбы з п’янствам на масавых мерапрыемствах, але і гэта выглядала дзіўнава-та, бо дастаткова было адысьціся пару соцень метраў у бок, каб на паліцах іншых крамаў можна было пабачыц усё, што заўгодна, нават гарэлачку.

Газэта "Брама"