Узброеныя і вельмі небясьпечныя (дадаецца відэа) + нумар рахунка на які можна пералічыць грошы для Маі
Гарылападобныя адмарозкі ў чорнай уніформе, з дубінкамі і шчытамі, дзеля атрыманьня садысцкай асалоды скалечылі маладую дзяўчынку. Беззаконьне, безпакаранасьць, дзікунства - "прававое поле" для прадстаўнікоў правапарадку, у якіх, відаць, праблемы з выхаваннасьцю, сумленьнем і псіхічным станам здароўя.
Скаргу 21-гадовай Маі Абромчык, якой 19 снежня супрацоўнік АМАПа раздрабіў костку галёнкі, далучылі да справы «аб масавых беспарадках». Па яе словах, скаргу з раённай пракуратуры перанакіравалі ў аддзел міліцыі. А ў выпісцы са шпіталя значылася «бытавая траўма».
Галіна Абромчык: «Яны [супрацоўнікі пракуратуры] „спусцілі" скаргу ў міліцыю і напісалі адпіску. Там згадваецца крымінальная справа па артыкуле 293 „масавыя беспарадкі", што яе скарга далучаная да гэтай справы… Як быццам яна ўдзельнічала ў гэтых масавых беспарадках, а тое, што яе пабілі-то гэта справа 110-я».
Галіна Абромчык звяртаецца да тых, хто быў сведкамі збіцця Маі і яе сяброў, і хто можа пацвердзіць гэта ў судзе.
Нагадаем, 21-гадовую Маю Абромчык і яе сяброў збілі 19 снежня недалёка ад плошчы Незалежнасці. Ім загадалі ісці ў аўтазак, але самастойна ісці Мая не магла, і яе панёс адзін з хлопцаў. Толькі праз 3 гадзіны, праведзеных у аўтазаку, дзяўчыну перавезлі ў шпіталь. У яе былі перабітыя косткі галёнкі, зробленая аперацыя.
У выпісцы са шпіталя Маі Абромчык значыцца «бытавая траўма». Рэч у тым, што па наменклатуры бываюць «бытавыя» і «вытворчыя» траўмы. Няма катэгорыі «траўмы, атрыманыяў выніку гвалтоўных дзеянняў».
Падаем нумары рахункаў, на якія можна пералічыць сродкі для Маі:
Рахункі ў беларускіх рублях: Філіял № 510 ААТ «ААБ Беларусбанк» г. Мінск Асабовы рахунак № 000052, 9004-Р / Дабрачынны рахунак BYR (0510/0132) Абромчык Мая Генадзьеўна.
Валютныя рахункі: Філіял № 510 ААТ «ААБ Беларусбанк» г. Мінск Асабовы рахунак № 000373, 9000-Р / Дабрачынны рахунак USD (0510/0132) Абромчык Мая Генадзьеўна Філіял № 510 ААТ «ААБ Беларусбанк» г. Мінск Асабовы рахунак № 000036, 9005-Р Дабрачынны рахунак EUR (0510/0132) Абромчык Мая Генадзьеўна
