 Зямля раптам здрыганулася
А можа гэта зусім не землятрус, а Рыгоравіч правёў сваё першае падземнае ядравае выпрабаваньне, па прыкладу паўночнакарэйскіх Чыныраў. Вядома ж, як яму не хапае ядравай "дубіны", каб паматляць ёй у паветры ды напалохаць НАТА са Злучанымі Штатамі. Трэба ж неяк беларускай нікчэмнасьці набыць палітычную значнасьць у сьвеце. Тут варта узгадаць і будаўніцтва на нашай тэрыторыі расейскай атамнай станцыі. За расейскія грошы, па расейскім тэхналёгіям, ды з расейскай неахайнасьцю.
Мець будзем эканамічны кукіш, а ў выпадку падземнага штуршка, альбо, арганізаванага невядома якімі службамі, тэрарэстычнага выбуху, атрымаем канчатковую, гэтым разам фізічную, пагібель.
Як бы там ня было (землятрус, ці нейкія таемныя ўзрывы), галоўнае, што людзі нічога не павінны ведаць. Трэба замаўчаць, альбо падмануць - гэта ўжо звычайная метода беларускіх уладапрытрымліваючых чыноўнікаў. Гэтае ж няведаньне, у сваю чаргу спараджае плёткі і чуткі, якімі і жыве наш паняволены народ.
Таму адны казалі, што гэта геолягі нешта ўзрываюць. Другія, што землятрус адбыўся ў выніку ўзрыва газапроваду. Трэція распавядалі пра ўзрыў на заводзе медычных прэпаратаў.
Калі ж гэты ўсё-такі было вынікам ўзрыву, дык якая павінна была быць магутнасьць зараду, каб гэтак скалануць увесь Нясьвіж? Ды чаму патрэбна было узрываць у начны час? Узьнікае і шмат іншых пытаньняў, вось толькі нажаль няма каму на іх адказваць. Грамадзянам ведаць "не полдожено", што робіцца ў нашай краіне. Алесь
|
