Нясвіж - Рэчыца 2016

Нясвіжскі турклуб Вандроўнік распачаў турыстычны сезон воднымі вандроўкамі па Бярэзіне, Дняпры ды Шчары.

У гэтым годзе інтарэсы аматараў водных падарожжаў падзяліліся і таму ўдзельнікі Нясвіжскага турклуба "Вандроўнік" адчынялі турыстычны сэзон двума гуртамі. Адны выбраліся на раку Шчара, ніжэй Слоніма, а другія на раку Бярэзіна, ніжэй Бабруйска і затым - рака Дняпро і да г. Рэчыца.

Вялікія рэкі прывабліваюць сваёй паўнаводнасцю і бясконцай прасторай перамяшанай з веснавымі пахамі, сонцам, лагодным паветрам ды крыху ўедлівым дымком ад турыстычнага вогнішча. На малых жа рэках, больш зьвілістых, заваленых дрэвамі, часам з мелкаводзямі, дадаецца яшчэ трэніроўка ў майстэрстве пераадольвання перашкод, ды пачуццё сяброўскага пляча.

Прырода нашай краіны прывабная заўсёды, а ў весну - тым больш. Уражанні ад сутыкнення з прыгажосцю нашай зямелькі заўсёды радуе трапяткою навізной. Здавалася б ужо ня першы раз даводзіцца наразаць па воднай гладзі беларускіх рэк ды азёраў, але ўсёадно маршрут успрымаецца кожны раз з прыемнасцю і асалодай. Шкада толькі, што час прамінае вельмі хутка і застаюцца толькі ўспаміны. Але турыстам засмучацца не даводзіцца, бо наперадзе чакаюць новыя і новыя падарожжы.

Прыемна зазначыць, што ў Нясвіжы ў апошнім часам да воднага турызму далучаецца ўсё большая колькасць аматараў з розных калектываў, ды проста сяброўскіх гуртоў. Так цягам апошніх 4-5 гадоў рэгульрна выбіраюцца ў вандроўкі воднікі з нясвіжскага аддзялення БелАграПрам банку, прыватнага прадпрыемства "Салігар", нясвіжска аддзялення Газпрам (былы Белтрансгаз), ды самаарганізаваныя невялікія гурты аматараў гэтага віду турызма. Думаецца, што тэндэнцыя захаваецца і надалей, бо калі людзі зацікаўленыя, то нішто не можа ім перашкодзіць займацца прыемнай справай.

Алесь Язвінскі, Нясвіжскі турклуб "Вандроўнік"