 У менскай кватэры Сяржука Семянюка адбыўся ператрус
Сяржук паходзіць зь Нясьвіжа, некалькі гадоў раней быў выключаны з універсітэту за апазыцыйную дзкейнасьць, зьяўляецца сябрам Партыі БНФ (Вячоркі).
29 верасня ў кватэры дзе жыве апазыцыянэр правялі, як ён адзначае, фармальны вобшук. Афіцыйна маліцыянты шукалі прадметы, якімі мог быць збіты ахоўнік. Па словах жа Сяргея, галоўная мэта візіту — легальна патрапіць у яго жытло, каб паглядзець як той жыве. Бо ў матэрыялах крымінальнай справы ні пра якія прадметы ў руках маладых людзей не гаворыцца.
Семянюк разам з Алесем Калітой і Максімам Губарэвічам вінаваціцца ў збіцці ахоўніка офіснага цэнтра, у якім месціцца новая сядзіба партыі БНФ. Крымінальная справа была заведзена яшчэ ў жніўні. Раней ператрус правялі на кватэры Алеся Каліты. Семянюк не выключае, што з наступным вобшукам з'явяцца да Губарэвіча.
|
